Google ADS

Nora fiton edhe luftën e dytë, kualifikohet në çerekfinale në Abu Dhabi

12:23 | 21 Tetor 2022
K.B

Nora Gjakova ka arritur me sukses të kualifikohet në çerekfinale të Grand Slamit që po mbahet në Abu Dhabi të Emirateve të Bashkuara Arabe.

Xhudistja jonë e ka nisur për mrekulli garën në Abu Dhabi, pasi ka fituar dy përballjet e para, pas rikthimit nga lëndimi.

Pas fitores në raundin e parë me ‘pikë të artë’ ndaj xhudistes nga Koreja e Jugut, Yuna Shin, Gjakova ka fituar edhe luftën e dytë në kategorinë deri në 57 kilogramë.

Në këtë luftë, kampionia olimpike ka mposhtur me ‘ippon’ dhe brenda më pak se 1 minutë holandezen, Pleuni Cornelisse.

Me këtë fitore, xhudistja pejane kalon në çerekfinale të Grand Slamit të Abu Dhabit.

Në çerekfinale, Nora pritet të takohet me xhudisten Marica Perisic nga Serbia.

Shpërndaje në rrjete sociale

Lajmet më të lexuara

Të ngjashme

Foto lajm